тарихы

ҚР Президентінің Жарлығымен ҚР Әділет министрлігінің Қазақ мемлекеттік заң институты құрылды

M.S. Narıkbaev atyndağy KAZGUU Unıversıteti-нің тарихы 1994 жылғы 14 наурыздағы «Қазақстан Республикасы Әділет министрлігінің Қазақ мемлекеттік заң институтын құру туралы» Қазақстан Республикасының Президенті Н.Ә. Назарбаевтың №1591 Жарлығымен басталады. Жарлықта: «Құқықтық реформаны іске асыру және республиканың заң кадрларына деген қажеттілігін қанағаттандыру, заң білімін дамыту және оның сапасын арттыру мақсатында Қазақ мемлекеттік заң институтын құру және Қазақ мемлекеттік заң институты мемлекеттік билік және басқару органдары, сот және құқық қорғау органдары, шаруашылық жүргізуші субъектілер үшін заңгерлерді даярлауға мамандандырылатынын айқындау» деп белгіленген.

1994 жылғы 14 наурыз

Алғаш рет «КАЗГЮУ студенттері қатарына қабылдау» рәсімі өткізілді

КАЗГЮУ-да студенттік өмір ерекше! Концерттер мен басқа да қоғамдық іс-шараларды студенттердің өздері ұйымдастырады және атсалысады. Жыл сайын өткізілетін «Студенттер қатарына қабылдау» іс-шарасы ел аузында.
Екі жарым ай бойы бірінші курс студенттері жоғары курстың жетекшілігімен еліміздің үздік сахналарында өткізілетін ұмытылмас шоуды дайындайды. Конгресс холл, Бейбітшілік және келісім сарайы және басқалары бізге өз есіктерін қуанышпен айқара ашады, өйткені мұндай іс-шара күнде бола бермейді.
Осы ұзақ күндік жаттығулардың басты мақсаты – «Үздік қойылым» кубогы. Студенттер күнделікті жаттығулардан шаршайды, бірақ олардың жеңіске деген сенімі нық және мақсаттарына берік. Амбицияға, энергияға толы олар сахнаға шыққанда қолдарынан келгеннің бәрін жасауға тырысып бағады, жеңіске деген ұмтылысы артады.
Жарық, перде ашылады, сіздің факультетіңізді жариялайды. Осы кезде сіз не қалайтыныңызды білмейсіз – залда отыру немесе сахнада тұру – өйткені қорқыныш сол сәтте басым болады және жүрек соғысы жиілей түседі. Сіз өзіңізді стадионда жүргендей сезінесіз, жанкүйерлердің қолдауларына куә боласыз, музыканы тіпті естімей қаласыз, алайда сіздің бағыңыз сыналатын сәт болғандықтан, сіздің қателесуге құқығыңыз жоқ. Сіз бұл жолы дайындықтағы кезден де жүз есе артық өзіңізді көрсетуге тырысасыз және залдың зор қошеметіне ие боласыз. Сахнада болған небәрі 10-15 минут бір сәтте өте шығады, сіз қатты қобалжығандықтан не болғанын түсінбей қалуыңызда мүмкін. «Сен жарадың, сенің қолыңнан келді» деген ойлар келіп, жеңіске жеткендей сезініп, қуанасың. Бірақ жүрегіңнің түбінде ең басты сәт әлі алда екенін түсінесіз.
Қорытындылау уақыты келді. Әр факультет бұл күні барынша тырысып, өнер көрсеткендеріне сенімді болады. Бірақ қазылар алқасы үшін жеңімпаз –жалғыз.
Осы іс-шарада Фемида таңдалады. Әр факультеттің өкілдері еліміздің ең үздік Университетінің беделді тұлғасы атану үшін күреседі. Сайланған Фемида келесі сайлауға дейін студенттердің тәртібіне жауап беретін және Университеттің қоғамдық өміріне ықпал ететін КАЗГЮУ Ар-намыс сотын басқарады.
Жеңіске немесе жеңіліске қарамастан, студенттер бір-біріне қуанышты. Құшақтасып, қол алысып, әрбір қатысушы бір-бірін шын жүректен құттықтайды. Міне, тату отбасы деген осы! КАЗГЮУ – өмірлік достықтың кепілі!

Казахский государственный юридический институт был преобразован в Казахский государственный юридический университет

Қазақстан Үкіметінің 1996 жылғы 5 қарашадағы №1349 Қаулысымен КазГЮИ – Қазақ мемлекеттік заң университеті (КазГЮУ) болып қайта құрылды. 1996 жылғы 6 қарашада Әділет министрлігінің қарауынан Қазақстан Республикасы Білім және ғылым министрлігінің қарауына өтті.

1996 жылғы 05 қараша

1-ші «Құқық және мемлекет» журналы жарқы көрді

«Құқық және мемлекет» – M.S. Narıkbaev atyndağy KAZGUU Unıversıteti-нің ғылыми заң журналы. 1997 жылдан бастап Астана қаласында жарық көрді.

«Құқық және мемлекет» журналы Қазақстан Республикасы Білім және ғылым министрлігінің Білім және ғылым саласындағы бақылау комитетінің 2012 жылғы 10 шілдедегі № 1082 бұйрығымен бекітілген «Ғылыми қызметтің негізгі нәтижелерін жариялау үшін Комитет ұсынатын ғылыми басылымдардың тізбесіне» енгізілген.

«Құқық және мемлекет» журналы «Қазақстан Республикасы Ұлттық ғылыми-техникалық ақпарат орталығының» ақпараттық базасына (ҚР ҒҒЗТКО), сондай-ақ РҒДИ ғылымиметриялық жүйесіне енгізілген.
Журналда ғылыми мақалалар, жазбалар, құқықтанудың әртүрлі салаларындағы зерттеулердің нәтижелері туралы хабарламалар, жаңа ғылыми заң басылымдарына шолулар, мемлекет және құқық мәселелері бойынша маңызды ғылыми конференциялар туралы мақалалар жарияланады. Журнал 1997-2005 жылдары Алматы қаласында, ал 2006 жылдан бастап Қазақстанның жаңа астанасы – Астана қаласында басылып шықты. 2012 жылдан бастап суретті журнал болып табылады.

2013-2021 жылдары журналдың авторлары Қазақстан, Ресей, АҚШ, Канада, Чехия, Өзбекстан, Украина, Германия, Қырғызстан, Қытай, Италия, Хорватия, Испания, Болгария, Франция, Ұлыбритания, БАӘ және т.б. ғалымдары болды.
Қазандағы «Университет кітабы 2019: әлеуметтік-гуманитарлық ғылымдар» Жоғары оқу орындары басылымдарының II Халықаралық салалық конкурсында «Үздік мерзімді басылым» номинациясы бойынша дипломмен марапатталған. Мақалалар қазақ, орыс және ағылшын тілдерінде жарияланады.

Әскери кафедра «M.S. Narıkbaev atyndağy KAZGUU Unıversıteti» АҚ құрылымдық бөлімшесі болып табылады, Қорғалжын тас жолы, 8 мекенжайында орналасқан. Әскери кафедра 1997 жылы 25 наурызда запастағы офицерлерді әскери даярлау бағдарламасы бойынша оқыту мақсатында Алматы қаласында Қазақстан Республикасы Үкіметінің № 412 қаулысымен құрылды.

Студенттерді әскери даярлау төрт әскери-есептік мамандық бойынша жүзеге асырылады:
- «ҚР ҚК Құрлық әскерлерінде тәрбие және идеологиялық жұмысты ұйымдастыру»;
- «Аумақтық қорғанысты жоспарлау және ұйымдастыру»;
- «Құқықтық жұмысты ұйымдастыру»;
- «Заң кеңес беру жұмысы».

Әскери даярлықтың толық курсынан өткен, емтихан тапсырған және оқу-жаттығу жиындарынан өткен студенттерге жоғары оқу орнын бітіргені туралы диплом алғаннан кейін белгіленген тәртіппен «Запастағы лейтенант» әскери атағы беріледі.

Осы кезеңде тоғыз мыңнан астам лейтенант пен үш мың запастағы сержант шығарылды.

2005 жылы КАЗГЮУ әскери кафедрасында әскери дайындық курсын бітірген Азамат Тілеуханұлы Жұмаділов әскери кафедраның мақтанышы болып табылады. 2007 жылғы желтоқсанда Қазақстан Республикасы Президентінің Жарлығымен мемлекет алдындағы сіңірген еңбегі, әскери борышын үлгілі орындағаны, 55078 әскери бөлімінің аға лейтенанты Азамат Тілеуханұлы Жұмаділовке ерлігі мен жанқиярлығы үшін айрықша ерекшелік белгісі – Алтын жұлдыз және «Отан» ордені табыс етіліп, «Халық қаһарманы» атағы берілді.

КАЗГЮУ студенттері АҚШ-тағы (Вашингтон қ.) Халықаралық құқық бойынша – «Филипп Джессоп атындағы Халықаралық құқық бойынша оқу сот процесі» жарыстарында Қазақстан атынан алғаш рет қатысты

Жоғары құқық мектебінің Халықаралық құқық кафедрасы С. Зиманов атындағы Іргелі және қолданбалы ғылымдар академиясымен бірлесіп, АҚШ-тың Колумбия округі, Вашингтон қаласында Филипп Джессоп кубогына (the Philip C. Jessup International Moot Court Competition) халықаралық ойын сот процестеріне қатысу үшін КАЗГЮУ Университетінің командасына жыл сайынғы студенттер қабылдау өткізілетіні туралы хабарлайды.

Ф. Джессоп кубогындағы ойын сынақтары 1960 жылдан бері өткізіліп келе жатқан ең танымал және беделді халықаралық құқық жарыстары болып табылады. Ұйымдастырушы – Уайт энд Кейс (the White&Case) халықаралық заң фирмасының қолдауымен қызметтелетін Халықаралық құқық студенттерінің қауымдастығы (The International Law Student Association).
2016 жылдың 27 наурызы мен 02 сәуірі аралығында КАЗГЮУ Университетінің командасы ағылшын тілінде өткізілген Филипп Джессоп кубогына арналған халықаралық ойын сот процестеріне қатысты, Вашингтон, Колумбия округі (АҚШ). Ойын сот процестерін ұйымдастырушы – Уайт энд халықаралық заң фирмасының қолдауымен Халықаралық құқықтың Студенттік қауымдастығы.

Ағымдағы жылы әлемнің 80-нен астам елінің атынан қатысатын үздік университеттердің 550-ден астам командасының қатысуымен халықаралық ойын сот процестері 57-шы рет өткізілді. Қазақстан атынан КАЗГЮУ Университетінің командасы қатысты: «Халықаралық құқық» мамандығының 4-курс студенттері Руслан Бюрабеков (команда капитаны), Рамазан Көкжалов, сондай-ақ осы мамандықтың 3-курс студенті – Зарина Темірболатова. Команданы Халықаралық құқық кафедрасының доценті, заң саласындағы Ph.D. Мирас Дәуленов және Эдинбург Университетінің түлегі (Ұлыбритания) Альберто Пекораро дайындады.
Peking University (Қытай), American University (АҚШ), LUISS Guido Carli (Италия) және Kathmandu Заң мектебі (Непал) командаларына қарсы шыққан КАЗГЮУ Университетінің командасы 2708 ұпай жинап, 90-орынға ие болды.

Сонымен қатар, IlSA рейтингінде команда University Carlos III de Madrid (Испания, 93-орын), Tallinn University School of Law (Эстония, 96-орын); Université de Luxembourg (Люксембург, 99-орын); Seoul National University (Оңтүстік Корея, 103-орын) және басқаларды басып озды.

1999 жылғы 05 қыркүйек

Қазақ мемлекеттік заң университеті Қазақ мемлекеттік заң академиясы болып қайта құрылды

Қазақстан Үкіметінің 2000 жылғы 14 ақпандағы №236 қаулысымен «Қазақ мемлекеттік заң университеті» және «Мемлекет және құқық институты» республикалық мемлекеттік қазыналық кәсіпорны бірігу жолымен «Қазақ мемлекеттік заң академиясы» РМҚК (ҚазМЗА) құрылды.

2000 жылғы 14 ақпан

Қазақ мемлекеттік заң академиясы Қазақ гуманитарлық-заң университеті болып қайта құрылды

Университетті жаңа Астанаға көшіру туралы шешім қабылданды және КАЗГЮУ университеттік қалашығын Алматы қаласынан Қазақстан астанасына – Астанаға жобалау басталды.

Қазақстан Үкіметінің 2001 жылғы 24 қазандағы №1358 қаулысымен «ҚазМЗА» РМҚК «Қазақ гуманитарлық-заң университеті» жабық акционерлік қоғамы («ҚазГЗУ» ЖАҚ) болып қайта құрылды.

2001 жылғы 24 қазан

Университетті жаңа Астанаға көшіру туралы шешім қабылданды және КАЗГЮУ Университеттік қалашығын жобалау басталды

Университетті жаңа Астанаға көшіру туралы шешім қабылданды және КАЗГЮУ Университеттік қалашығын Алматы қаласынан Қазақстан астанасы – Астанаға көшіруді жобалау басталды.

2002 жылғы 14 наурыз

Университет Болонья қаласында (Италия) Университеттердің Ұлы хартиясын қабылдады және қол қойды

Қазақ гуманитарлық-заң университеті Директорлар кеңесінің төрағасы, профессор Мақсұт Нәрікбаевтың атынан Болонья қаласында (Италия) Университеттердің Ұлы Хартиясына қол қойды. Бұл әйгілі құжат білім беруді дамытудың негізгі принциптерін сақтауға арналған Университеттердің тығыз ынтымақтастығын қарастырады.

The Magna Charta Universitatum-ға қол қойған жоғары оқу орындары халықаралық академиялық достастыққа жататындығын растайды, саяси және әлеуметтік кедергілерді еңсеруге ұмтылады, білім мен ғылымның бірлігі, академиялық еркіндік пен студенттердің ұтқырлығы қағидаттарын дамытады. Болон процесінің негіздері туралы құжаттың тарихы 1988 жылдың 19 қыркүйегінен басталады, Болон университетінің 900 жылдығына арналған мерекелер кезінде 430 университеттің өкілдері салтанатты түрде Ұлы хартияға қол қойды. Бүгінде ол әлемнің 700-ден астам жоғары оқу орындарын біріктіреді. КАЗГЮУ үшін Хартияға қол қою маңызды оқиға болып табылады, өйткені бұл жетістік Университет ұжымы жұмысының жоғары стандарттарын мойындағанын көрсетеді.

2007 жылғы 21 қыркүйек

2008 жылдың 2 шілдесінде Ел Президенті Н.Ә. Назарбаевтың қатысуымен Есіл өзенінің сол жағалауында орналасқан жалпы ауданы 32 235,1 ш.м. құрайтын «КазГЮУ» АҚ жаңа оқу ғимаратының салтанатты ашылу рәсімі өтті.

2008 жылғы 02 шілде

Университет білім берудегі сапаны қамтамасыз ету жөніндегі тәуелсіз Қазақстандық агенттікте (IQAA) институционалдық аккредиттеуден өтті

«Білім берудегі сапаны қамтамасыз ету жөніндегі тәуелсіз агенттік (RAQUO)» мемлекеттік емес мекемесі 2008 жылы құрылған және білім беру ұйымдары мен білім беру бағдарламаларының сапасын бағалау саласындағы алғашқы қазақстандық коммерциялық емес үкіметтік емес ұйым болып табылады.

КЕАҚҰ қызметі барлық мүдделі тараптардың – студенттердің, олардың ата-аналарының, академиялық қызметкерлердің, сондай-ақ білім беру ұйымдарының, мемлекеттік органдардың, қоғамның және жалпы жұмыс берушілердің қажеттіліктерін қанағаттандыруға бағытталған.

2013 жылғы 03 қаңтар

Университет «2013-2020 – әлемдік деңгейдегі ЖОО» даму стратегиясын қабылдады.

2013

КАЗГЮУ Университеті білім беру сапасын қамтамасыз ету жөніндегі тәуелсіз Қазақстандық агенттікте (IQAA) білім беру бағдарламаларын мамандандырылған аккредиттеуден өтті.

2016
3 мамыр

FIBAA жетекші еуропалық аккредиттеу агенттігі экономикалық, құқықтық және әлеуметтік-гуманитарлық бағыттағы жоғары және қосымша білім беру бағдарламаларының сапасына сараптама және аккредиттеу жүргізеді. FIBAA-ның білім беру қызметтері нарығындағы мүдделі тараптардың негізгі топтарымен ынтымақтастығын академиялық қауымдастық, жұмыс берушілер, мемлекеттік білім беруді басқару органдары, сондай-ақ Еуропа мен АҚШ-тағы халықаралық аккредиттеу құрылымдары жүзеге асырады. Біз Орталық және Шығыс Еуропа – CEEMAN менеджментті дамыту қауымдастығының толыққанды мүшесіміз. Бұл 1993 жылы Еуропадағы менеджмент сапасын арттыру мақсатында құрылған халықаралық қауымдастық.

FIBAA аккредитациясы 2016 жылдың 30 қыркүйегінен 2021 жылдың 30 қыркүйегіне дейін Университеттің заң және экономикалық бакалавриат және жоғары оқу орнынан кейінгі оқу бағдарламаларына қатысты қолданылады.

Халықаралық аккредиттеу КАЗГЮУ білім беру бағдарламаларының жоғары сапасын және олардың халықаралық стандарттарға сәйкестігін растайды. Жалпы КАЗГЮУ Университетін және жекелеген бағдарламаларды тәуелсіз аккредиттеу кезінде ЖОО түлектерінің еңбек нарығында қаншалықты бәсекеге қабілетті екендігіне көп көңіл бөлінді. КАЗГЮУ қазірдің өзінде 30 мыңнан астам жоғары білікті кадрларды дайындап, мемлекеттік және жеке жұмыс берушілердің жоғары деңгейдегі мамандарға сұраныстарын қамтамасыз етті. Олардың қатарында әртүрлі сатыдағы соттар, оның ішінде Жоғарғы Сот, ІІМ, ІІД, Бас прокуратура бар, онда қызметкерлердің жалпы санының 25%-ы КАЗГЮУ түлектері болып табылады.

2016 жылғы
30 қыркүйек

- ACCA (Сертификатталған бухгалтерлер қауымдастығы);
- ICAEW (Англия мен Уэльстің алқабилер институты);
- CIMA (басқарушылық есеп мамандарының сертификатталған институты);
- HRCI (HR мәселелері бойынша сертификаттау институты);
- DAAD (Германияның академиялық алмасу қызметі).
АССА аккредиттеуі АССА-ның бағдарламаға қабылдау ережелері, пәннің мазмұндық бөлігі және пән бойынша жазбаша емтихандар сияқты өлшемшарттар бойынша бағалаудан өткен білім беру бағдарламаларының түлектеріне АССА емтихандарынан қосымша босатулар беруге мүмкіндік береді.

ICAEW – бүкіл әлем бойынша бухгалтерлік есеп, қаржы және бизнес салаларында 146 мыңнан астам сертификатталған аудиторларды насихаттайтын, дамытатын және қолдайтын жетекші, дүниежүзілік кәсіби мүшелік ұйым.
Қазақстанда ICAEW қауымдастығының мүшелері небәрі 7 адам болып табылады, бұл біздің түлектерімізге үлкен кәсіби перспектива береді. ICAEW біліктілігін алу үшін 6 деңгейді игеру қажет, біреуінің құны орта есеппен 350 мың теңгені құрайды. Негізгі оқу аясында КАЗГЮУ-да білім ала отырып, сіз қосымша төлемсіз емтихандардан босатыла аласыз. Аккредиттеу қаржы, есеп және аудит, экономика, менеджмент мамандықтарына қолданылады.
CIMA (Chartered Institute of Management Accountants) – 1919 жылы құрылған Ұлыбритания және Солтүстік Ирландия Біріккен Корольдігінің басқарушылық есеп мамандарының халықаралық қауымдастығы. Бүгінгі таңда CIMA қауымдастығы әлемнің 176 елінде 229 000-нан астам студенттер мен мүшелерді біріктіреді. CIMA біліктілігі басқару шешімдерін қабылдау үшін қаржылық және қаржылық емес ақпаратты пайдалану дағдыларын дамытуға бағытталған. Бағдарламалар бизнесті жүргізуге қатысты ұйымдар қызметінің тиімділігін басқарудың негізгі аспектілерін қамтиды.

Халықаралық экономика мектебі HRM (персоналды басқару) бағдарламасы бойынша қосымша мамандану, майнор базасында aPHRi™ емтиханына дайындық мүмкіндігін ұсынады. Бағдарлама персоналды басқару, өтемақы менеджменті, ұйымдастырушылық мінез-құлық, өнімділікті басқару, іскерлік этика сияқты тақырыптарды қамтиды. APHRi™ серификаты сіздің HR бойынша біліміңіз бен дағдыларыңызды халықаралық деңгейде растайды. Зерттеулерге сәйкес, компаниялар қызметкерлерді жалдау және ілгерілету кезінде кәсіби біліктілігі бар мамандарға артықшылық береді. Студенттер Қазақстан нарығында ғана емес, басқа елдерде де бәсекеге қабілеттілігін арттыруға мүмкіндік алады.

2016

Университет Дүниежүзілік банк пен ҚР Әділет министрлігінің «Қазақстан Республикасында сот сараптамасын күшейту» жобасын іске асыру үшін консорциумды басқарды, оның құрамында King's College London және KEY Forensic Services (Ұлыбритания) болды

2016 жылдың қазан айынан бастап КАЗГЮУ Университеті Key Forensic Services Ltd (KFS), King's College London (KCL), QPA Strategies Ltd. (QPA) және Astana Garant Consulting (AGC) Дүниежүзілік банк пен ҚР Әділет министрлігінің «Сот сараптамасын күшейту» жобасын іске асыруға кірісті.
Жоба үш компоненттен тұрады:
А компоненті: «Сот-сараптама қызметінің тиімділік көрсеткіштерін әзірлеу және пилоттау».
Осы компонент шеңберінде халықаралық тәжірибе контексінде ҚР-да сот және медициналық сараптама жүргізу практикасын зерделеу, сот-сараптама қызметінің тиімділік көрсеткіштерін әзірлеу, сот-сараптама қызметінің тиімділік көрсеткіштері бойынша пайдаланушы нұсқаулығын әзірлеу, сондай-ақ сот-сараптама қызметінің мәселелеріне арналған бірқатар халықаралық конференцияларды ұйымдастыру және өткізу жоспарлануда.
В компоненті: «Сот сараптамасының заңнамалық және институционалдық базасын жаңғырту».
Осы компоненттің қорытындылары «Сот-сараптама қызметі туралы» ҚР Заңының жобасын толықтыру бойынша ұсыныстар түрінде ұсынылатын болады.
С компоненті: «Сарапшы кадрлардың біліктілігін арттыру».
Осы компонентті іске асыру барысында шетелдік университеттер мен сараптамалық мекемелерде жергілікті сарапшылардың біліктілігін арттыру тренингтері ұйымдастырылатын болады.
«Сот сараптамасын күшейту» жобасы екі жылға есептелген және 2018 жылдың желтоқсанына дейін жалғасады.

2016

Университет базасында «Академиялық дипломатиялық клубы» құрылды, оның қатысушылары Қазақстан Республикасында аккредиттелген шет мемлекеттер мен өкілдіктердің елшілері болып табылады

Халықаралық рухты қалыптастыру және әртүрлі елдердің мәдениеттерін білу KAZGUU UNIVERSITY өмірінде әрқашан маңызды орын алды. Осыған байланысты біздің Университетіміз шет елдердің елшілері мен дипломаттарын қазіргі заманғы халықаралық қатынастардың өзекті мәселелері бойынша қонақ дәрістеріне қатысуға көбірек тартты, студенттер экономикалық дамуға, саяси өзара іс-қимылға, әртүрлі елдердің құқықтық жүйесінің тәжірибесіне көбірек қызығушылық танытты.
2014 жылғы 5 мамырда ҚР Сыртқы істер министрлігінің, әлемнің 25-тен астам елшісінің және Қазақстан Республикасында аккредиттелген шет мемлекеттер мен өкілдіктердің 40-тан астам дипломаттарының қатысуымен Академиялық дипломатиялық клубтың ресми ашылуы өтті.
АДК біздің құрметті қонақтарымыз және бас спикерлеріміз ретінде жұмыс істеген кезде Иранның Сыртқы істер министрі Мұхаммед Джавад Зариф, Венгрияның Сыртқы істер және сауда министрі Питер Сиярто, Үндістанның бұрынғы Сыртқы істер министрі Яшвант Синха, Мирослав Йенча, БҰҰ Бас хатшысының саяси мәселелер жөніндегі көмекшісі, Кристина Галлах, БҰҰ Бас хатшысының коммуникациялар және қоғамдық ақпарат жөніндегі көмекшісі сөз сөйледі.

Клуб саясат, экономика, мәдениет және білім саласындағы халықаралық қатынастардың өзекті мәселелерін талқылауға арналған еркін алаңға айналды. Оның міндеті – әртүрлі мәдениеттер мен халықтардың өкілдері арасында қолайлы қарым-қатынас орнату және нығайту. Клуб отырыстары апта сайын және түрлі форматта өткізіледі: дөңгелек үстелдер, конференциялар, ашық дәрістер, бизнес-форумдар, іскерлік әңгімелер, мәдени іс-шаралар.

2017

Университет командасы Ф.Джессоп атындағы байқаудың (Вашингтон) халықаралық раундтарында әлемнің 700 командасынан тұратын әлемдік рейтингте 49-шы орынға ие болды

2017 жылғы 31 наурыз бен 7 сәуір аралығында КАЗГЮУ Университетінің командасы Филипп Джессоп атындағы Philip C. Jessup International Law Moot Court Competition – Халықаралық құқық саласындағы қазақстандық ұлттық және халықаралық сот процестеріне қатысты.
Ф. Джессоп Халықаралық сот процестері бұл White & Case халықаралық заң фирмасының қолдауымен International Law Student Association – ILSA өткізетін ағылшын тіліндегі халықаралық құқық саласындағы ең беделді және танымал жарыстар, Вашингтон, Колумбия округі (АҚШ). Ағымдағы жылы байқау әлемнің 95 елінен 645 университет атынан қатысқан командалардың қатысуымен 59-шы рет өткізілді.
Байқаудың мәні – командалардың талапкер мен жауапкердің жазбаша дәлелдерін (memorials), сондай-ақ БҰҰ Халықаралық сотында мемлекеттер арасындағы дауды шешу негізінде ауызша сөз сөйлеуін дайындау.
КАЗГЮУ Университетінің командасы конкурстың ұлттық кезеңінің чемпионы бола отырып, КИМЭП Университетіне қарсы екі раундтың қорытындысы бойынша Қазақстанның атынан өкілдік ету құқығына ие болды. Халықаралық раундтарда КАЗГЮУ Университетінің командасына Торонто университеті (Канада), Case Western Reserve University (АҚШ), BRAC University (Бангладеш) және Hena E Plote (BEDER) University (Албания) сияқты беделді оқу орындарының командалары қарсы тұрды.
Нәтижесінде КАЗГЮУ Университетінің командасы 3050 балл жинап, 49-орынға ие болды. Конкурс рейтингінде КАЗГЮУ Университеті University of California – Berkeley (АҚШ, 60-орын), Universität Wien (Австрия, 53-орын), University of Ottawa Faculty of Law – Common Law Section (Канада, 57-орын), Fordham University (АҚШ, 62-орын), Case Western Reserve University (АҚШ, 64-орын) сияқты әлемнің басқа да танымал университеттерін басып озды.

Сонымен қатар, КАЗГЮУ Университеті командасының меморандумдары әлемнің үздік 50 меморандумына еніп, 26-орынға ие болды, ал спикерлер Зарина Темірболатова мен Мадина Артурова байқаудың үздік 100 спикерінің қатарына енді.

Команда құрамында КАЗГЮУ Университетінің студенттері мен магистранттары Айым Сабырова, Александра Платошина және Әділ Осипов болды. Команданың жаттықтырушылары Басқарма Төрағасының орынбасары және Халықаралық құқық кафедрасының доценті Мирас Дәуленов, сол кафедраның аға оқытушылары Айман Смағұлова мен Альберто Пекораро болды.

Бұл байқауға қатысу командаларға сыни және аналитикалық ойлау, логика, сот риторикасы, шеберлік және эмоционалды интеллект дағдыларын игеруге мүмкіндік береді. Өйткені, командаларға заң фирмалары мен танымал заңгерлер қолынан келмейтін міндет ұсынылады. Осыған байланысты оны шешуге 6 айдан астам уақыт беріледі, ал байқаудың өзі жыл сайын халықаралық раундтардың алдындағы жылдың қыркүйек айының ортасында басталады.
Апта сайынғы жаттығуларды өткізу, дауды мұқият талдау және Тараптардың құқықтық ұстанымдарын әзірлеу – студенттерге болашақта тәжірибелі заңгерлермен тиімді бәсекелесуге және ең күрделі практикалық міндеттерді орындауға мүмкіндік береді.
КАЗГЮУ Университетінің командасы Астанадағы АҚШ Елшілігіне көрсеткен қолдауы үшін алғыс білдіреді.

2018

Нәрікбаев Мақсұт Сұлтанұлы – (2000ж.-2007 ж.), (2012ж.-2013ж.) КАЗГЮУ Университетінің құрметті ректоры, Қазақстанның мемлекет қайраткері, Қазақстанның Бас прокуроры (1995 ж.-1996 ж.), Қазақстан Жоғарғы Сотының Төрағасы (1996 ж.-2000 ж.), Қазақстанның Жоғары Сот Кеңесінің мүшесі, 2-сыныпты мемлекеттік әділет кеңесшісі, жоғары біліктілік сыныбының судьясы, заң ғылымдарының докторы, профессор.

Белгілі қоғам және саяси қайраткер бола отырып, егемен Қазақстанның мемлекеттілігін құқықтық қалыптастыру мен нығайтуға белсенді қатысты.

2018 жылғы 04 мамыр

Университет АХҚО-ның стратегиялық серіктесі болып, білім беру үдерісіне және отандық заңнамаға ағылшын құқығының элементтерін енгізе бастады

АХҚО құқық академиясы M.S. Narıkbaev atyndağy KAZGUU Unıversıteti-не білім беру саласындағы стратегиялық әріптес мәртебесін берді.

КАЗГЮУ мен АХҚО Құқық академиясы академиялық әріптестік пен бірлескен бастамаларды табысты іске асырудың құнды тәжірибесін жинақтады, олардың ішінде:

- ағылшын тілі ана тіл болып табылмайтын заңгерлерге арналған TOLES Legal English бағдарламасы;
- КАЗГЮУ оқытушыларын АХҚО құқығы мен практикасы, сондай-ақ жалпы құқықты оқыту әдістемесі саласында аралас оқыту;
- КАЗГЮУ студенттерінің АХҚО Құқық академиясының Халықаралық тағылымдама бағдарламасына қатысуы;
- КАЗГЮУ студенттері мен оқытушыларының АХҚО-ның қысқа курстары мен сертификаттау бағдарламаларына қатысуы.
Дэвид Галло, АХҚО Үздіксіз кәсіби даму бюросының Директорлар кеңесінің мүшесі: «КАЗГЮУ Университеті – құқық, бизнес және гуманитарлық ғылымдар саласындағы бакалавриат және жоғары оқу орнынан кейінгі білім беру бағдарламаларының толық спектрі бар Орталық Азиядағы жетекші жоғары оқу орны. АХҚО Құқық академиясы студенттерді бірнеше юрисдикциялар жағдайында кәсіби жетістікке дайындау жөніндегі КАЗГЮУ миссиясын қолдай отырып, осы құнды қатынастарды нығайтуға қуанышты».

КАЗГЮУ Провосты Сергей Пен: «КАЗГЮУ – алдымен жекелеген курстарды, содан кейін ағылшын құқығы саласындағы толыққанды сертификаттау бағдарламасын (майнор) іске қосқан алғашқы қазақстандық Университет. Бізде қазақстандық студенттер мен заңгер-практиктер үшін ортақ құқықты оқытуда үлкен тәжірибе, сондай-ақ АХҚО Құқық академиясымен бірлескен жобаларды іске асыруда жақсы бэкграунд бар. Институционалдық негізде күш біріктіретін кез келді. Біз озық тәжірибені енгізу және ұлттық құқықтық жүйе мен заң білімін жақсарту мақсатында ынтымақтастығымыз бен бірлескен стратегиялық бастамаларымызға сенеміз».

Тараптар КАЗГЮУ білім беру бағдарламаларына жалпы құқық және практикалық құқықтық құзыреттерді дамыту саласындағы бірлескен курстарды әзірлеу және енгізу, сондай-ақ бірлескен ғылыми зерттеулер мен талдаулар жүргізу туралы уағдаласты.

2018

Академиялық адалдық лигасы – бұл Қазақстан Республикасындағы жоғары және жоғары оқу орнынан кейінгі білім беру ұйымдарының бірлестігі. Лиганың миссиясы – академиялық адалдықтың он негізгі қағидатын алға ілгерілету және жүзеге асыру арқылы елдегі білім сапасын арттыру және жақсарту болып табылады.

Лига кеңесі академиялық адалдық стандарттарын әзірлеумен айналысады. Қазіргі уақытта Кеңес студенттердің оқу нәтижелерін бағалау, Лиганың жалпы өлшемшарттары негізінде зерттеу нәтижелерін жариялау үшін Лига ұсынған журналдарды бағалау, жоғары оқу орындарының мониторингі мен скринингі процедурасы және кредиттік оқыту технологиясы бойынша оқу процесін ұйымдастыру стандарттарын әзірледі.

2018 жылғы тамыз

- Master of Business Administration білім беру бағдарламасы бойынша «Premium Seal» сапа мөріне (іскерлік әкімшілендіру магистрі);
- Doctor of Business Administration (іскерлік әкімшілендіру докторы) бағдарламасы бойынша сапа мөріне ие

FIBAA жетекші еуропалық аккредиттеу агенттігі экономикалық, құқықтық және әлеуметтік-гуманитарлық бағыттағы жоғары және қосымша білім беру бағдарламаларының сапасына сараптама және аккредиттеу жүргізеді. FIBAA-ның білім беру қызметтері нарығындағы мүдделі тараптардың негізгі топтарымен ынтымақтастығын академиялық қауымдастық, жұмыс берушілер, мемлекеттік білім беруді басқару органдары, сондай-ақ Еуропа мен АҚШ-тағы халықаралық аккредиттеу құрылымдары жүзеге асырады. Біз Орталық және Шығыс Еуропа – CEEMAN менеджментті дамыту қауымдастығының толыққанды мүшесіміз. Бұл 1993 жылы Еуропадағы менеджмент сапасын арттыру мақсатында құрылған халықаралық қауымдастық.

2019 жылғы 21 наурыз

Университет ҚР БҒМ және ҚР Сыбайлас жемқорлыққа қарсы іс-қимыл агенттігімен бірлесіп «ADAL BILIM» Жобалық кеңсесін құрды, оның миссиясы – Қазақстан Республикасының ғылыми-білім беру саласына тартылған барлық субъектілердің қызметінде ашық бизнес-процестерді құру болып табылады

Жобалық кеңсенің миссиясы – Қазақстан Республикасының Білім және ғылым жүйесіндегі сыбайлас жемқорлықты және академиялық адалдықтың кез келген көріністерін жоюда адамдарға, қоғамға және мемлекетке қызмет ету болып табылады.

Жобалау кеңсесі өз қызметінде Қазақстан Республикасының Конституциясын, заңдарын, Қазақстан Республикасының Президенті мен Үкіметінің актілерін, өзге де нормативтік құқықтық актілерді, жобалау кеңсесінің Жарғысын, сондай-ақ осы Ережені басшылыққа алады.

2019 жылғы шілде

ETS, Global Legal English, Cambridge Assessment English, British Council, Qaztest ынтымақтастығы шеңберінде Университетте TOEFL IBT, Academic IELTS, PET, FCE, CAE, TKT, TOLES, Казтест және РКИ халықаралық емтихандарды дайындау, тіркеу және өткізу бойынша Language Learning and Certification Center құрылды.

2019

Университетте Қазақстан ғылымын дамыту бағыты қолға алынды – 8 ғылыми-зерттеу мектебі құрылды.

2020

Университет «Антенна – халықаралық жеке құқық жөніндегі Гаага конференциясының Аймақтық өкілдігі» конференциясында Қазақстан атынан өкілі ретінде қатысты

2020 жылғы 26 ақпан

Қазақстан Елшілігінің қолдауымен қол қою рәсіміне КАЗГЮУ Басқарма Төрағасы Талғат Нәрікбаев, ХЖҚГК Бас хатшысы Кристоф Бернаскони және ҚР Нидерланды Корольдігіндегі Елшісі Мағжан Ілиясов қатысты.

Құжаттың негізгі мәні Қазақстанда халықаралық жеке құқықтың дамуына жәрдемдесу, бірлескен ғылыми зерттеулер жүргізу және келешекте Нұр-Сұлтанда МКМЧП Орталық Азия өкілдігін ашу болып табылады.

Сондай-ақ, келісім аясындағы жұмыс «Астана» халықаралық қаржы орталығының Сот жүйесін қолдауға бағытталады деп күтілуде.

Екіжақты құжатта КАЗГЮУ профессорлары үшін ғылыми-зерттеу және кәсіби тағылымдамалар ұйымдастыру маңызды орын алады.

Университет ҚР БҒМ және «Атамекен» ҰКП рейтингі бойынша Қазақстанның үздік 3 жоғары оқу орнының қатарына енді

M.S. Narıkbaev atyndağy KAZGUU Unıversıteti «Атамекен» Ұлттық Кәсіпкерлер Палатасының зерттеу қорытындысы бойынша 2019 жылғы білім беру бағдарламалары рейтингінің үздік 3 ЖОО қатарына кірді. «Атамекен» ҰКП Басқарма Төрағасының орынбасары Олжас Ордабаев үздік қазақстандық университеттердің рейтингін жариялап, онда біздің альма-матеріміз екінші орынға тұрақтады. Рейтинг 17 өлшемшарт бойынша өткізілді, оның ішінде: жұмысқа орналастырылған түлектердің пайызы және олардың орташа жалақысы (мәліметтерді «Еңбек ресурстарын дамыту орталығы» АҚ ұсынған), оқуды бітіргеннен кейін жұмыс іздеу ұзақтығы, сондай-ақ бағдарламалардың өзектілігін бағалау болды.

2020

M.S. Narıkbaev atyndağy KAZGUU Unıversıteti 2021-2023 жылдарға арналған Стратегиялық жоспарын қабылдады

2021 жылдан 2023 жылға дейінгі кезеңде біз келесі 5 (бес) стратегиялық тақырыпты (бағыттарды) айқындадық және өз күш-жігерімізді барынша соларға арнайтын боламыз:

1. Өмір бойы сапалы білім беру.

2. Инновациялық ғылыми-зерттеу қызметі.

3. Инновациялық ортаны құру.

4. Интернационалдандыру және аймақтық әсер ету.

5. Студенттердің қанағаттану дәрежесі

2021 жылғы 15 қаңтар

Университет FIBBA институционалдық және бағдарламалық аккредиттеу шеңберінде жоғары сапа көрсеткіштерін растайды

Білім беру бағдарламаларын аккредиттеу осы бағдарламалар бойынша даярлықтың қабылданған стандарттар мен талаптарға сәйкестігін белгілеу мақсатында аккредиттеу агенттігі жүргізетін ресми сараптамадан тұрады.

Сапаны қамтамасыз ету жүйесі сапа стандарттарына сәйкес бағдарламаның сапасы мен дамуын қамтамасыз ету тәсілдері мен тетіктеріне объективті көзқарас ұсынатын сыртқы сарапшылармен бағаланады. Аккредиттеу аккредиттелген білім беру бағдарламалары бойынша білім беру ұйымының сапасының, сенімділігінің кепілі рөлін атқаруға, талапкерлер мен олардың ата-аналарының сенімін қалыптастыруға, жұмыс берушілер тарапынан түлектердің алған білімінің сәйкестігін тануға арналған.

Университет және оның білім беру бағдарламалары Қазақстанның жоғары оқу орындары арасында ҚР БҒМ және «Атамекен» ҰКП рейтингінде 1-ші орынды иеленді

M.S. Narıkbaev atyndağy KAZGUU Unıversıteti «Атамекен» Ұлттық Кәсіпкерлер Палатасының зерттеу қорытындысы бойынша 2021 жылғы білім беру бағдарламалары рейтингінде жоғары оқу орындары арасында 1-орынды иеленді. Рейтинг 17 өлшемшарт бойынша өткізілді, оның ішінде: жұмысқа орналастырылған түлектердің пайызы және олардың орташа жалақысы (мәліметтерді «Еңбек ресурстарын дамыту орталығы» АҚ ұсынған), оқуды бітіргеннен кейін жұмыс іздеу ұзақтығы, сондай-ақ бағдарламалардың өзектілігін бағалау болды.

2021

Университет ҚР ІІМ-мен бірлесіп «Қазақстанның сервистік полициясы» пилоттық жобасын сәтті жүзеге асырды

Нұр-Сұлтан қаласы ПД «Алматы» ауданының Полиция басқармасында ҚР ІІМ КАП профилактикалық қызмет басқармасының бастығы Жасұлан Байкенов M.S. Narıkbaev atyndağy KAZGUU Unıversıteti-нің қызметкерлеріне, сондай-ақ жоба шеңберінде далалық зерттеулерге тартылған «Полицияның қазақстандық сервистік моделі» пилоттық жобасын іске асыруға белсенді қатысатын еріктілерге алғыс хаттар табыс етті.
ҚР ІІМ жобалық кеңсесі, M.S. Narıkbaev atyndağy KAZGUU Unıversıteti және тартылған еріктілер қызметкерлерінің міндеттерінің бірі учаскелік полиция инспекторларының жұмыс уақытының хронометражын өткізу болды. Марапатталғандардың арасында КАЗГЮУ қызметкерлері – Қылмыстық сот төрелігі департаментінің доценті Ермек Сокурова және КАЗГЮУ сыбайлас жемқорлыққа қарсы іс-қимыл жобалық кеңсесінің сарапшысы Дана Түсіпжанова, сондай-ақ КАЗГЮУ 3-курс студенті Нұрдәулет Балтабай, КАЗГЮУ 4-курс студенттері Раймбек Джидебеков пен Берк Жолдыбаев, ЮНИСЕФ жанындағы Ұлттық консультант Назым Жүсіпова және кәсіби жаттықтырушы бар киберспорт бойынша Алдияр Сембиев бар.

2022 жылғы 26 сәуір

M.S. Narıkbaev atyndağy KAZGUU Unıversıteti 2024-2027 жылдарға арналған Стратегиялық жоспарын қабылдады

2024-2027 жылдар аралығына біз күш-жігерімізді шоғырландыруға тиіс бес стратегиялық тақырыпты (бағытты) айқындадық:

1. Білім беру.

2. Зерттеулер және ғылыми қызмет.

3. Ресурстар.

4. Әсер ету.

5. Басқару және орнықты даму.

2024

ҚАЗГЮУ университеті Maqsut Narikbayev University (MNU) болып қайта аталды.

ҚАЗГЮУ университеті университеттің негізін қалаушының құрметіне Maqsut Narikbayev University болып аталды.

2024

MNU Euronews Astana Ltd МЕМОРАНДУМҒА ҚОЛ ҚОЙДЫ

Euronews Astana Ltd, «Медиа дамыту қоры» корпоративтік қоры және қазақстандық жетекші университеттер: Maqsut Narikbayev University-мен өзара түсіністік туралы үшжақты меморандумдарға қол қою рәсімі өтті. Бұл құжат Қазақтанда Euronews Академиясының ашылуы туралы және медиа саласында білім беру серіктестігін нығайтуға бағытталған.

Euronews Академиясының мақсаты – болашақ қазақстандық журналистердің кәсіби әлеуетін арттыру, тәжірибе алмасу және білім беру бағдарламаларын жүзеге асыру. Меморандум шеңберінде Euronews Astana, «Медиа дамыту қоры» корпоративтік қоры және жоғары оқу орындары арасында жан-жақты ынтымақтастық орнатылады. Euronews журналистика және медиатехнология факультеттері студенттерін алдағы уақытта ұйымдастыралатын білім беру бағдарламаларына белсенді түрде тартып, тағылымдамадан өту мүмкіндігін ұсынады.

2025 жылғы 29 қантар

MNU бизнес білім берудің халықаралық сапасын растады: MBA және DBA бағдарламалары FIBAA-мен 7 жылға аккредиттелді

FIBAA аккредиттеу және сертификаттау комитеті Maqsut Narikbayev University-дің «Іскерлік әкімшілендіру магистрі» (MBA) және «Іскерлік әкімшілендіру докторы» (DBA) білім беру бағдарламаларының аккредиттеуін жеті жылға ұзарту туралы шешім қабылдады. Сонымен қатар, MBA бағдарламасы FIBAA премиум мөріне, ал DBA бағдарламасы FIBAA сапа белгісіне ие болды. Бұл олардың бизнес білім беруде жоғары халықаралық стандарттарына сәйкестігін көрсетеді.

FIBAA 1994 жылы Германия, Швейцария және Австрияның сауда-өнеркәсіп палаталарымен құрылған жоғары білім беруді аккредиттеу және сапа сараптамасын жүргізетін халықаралық агенттік. Ұйым экономика, менеджмент, құқық және әлеуметтік ғылымдар саласындағы білім беру бағдарламалары мен жоғары оқу орындарының сапасын бағалайды.

2025 жылғы 14 наурыз

Университетте International Legathon MaxUP 2025 бірегей халықаралық іс-шарасы өтті

18-19 сәуірде Maqsut Narikbayev University-де (MNU) Қазақстан, Қырғызстан, Ресей және Өзбекстан студенттерінің басын қосқан ТМД-дағы алғашқы International Legathon MaxUP 2025 бірегей халықаралық іс-шарасы өтті. Заң саласындағы кейс-чемпионаты зерттеу форумымен біріктірілді, онда студенттер жасанды интеллектінің (ЖИ) қарқынды дамуы жағдайында құқықтың болашағын моделдеді.

Legathon MaxUP 2025 басты тақырыбы – жасанды интеллект дәуіріндегі этика және құқық. Тоғыз студенттік команда ЖИ-ның адамның негізгі құқықтарына әсер етіп, теңдессіз құқықтық сын-қатерлерді туғызған сценариймен жұмыс істеді. Жүлде қоры 1,7 миллион теңгені құрады.

2025 жылғы 18-19 сәуір

Университетте жасанды интеллект зертханалары іске қосылды

Maqsut Narikbayev University білім беру саласында жасанды интеллект технологияларын қолдануды кеңейтуде. Университетте екі ЖИ зертхана іске қосылды.

Жаңа зертханалар 100 адамға есептелген. Олар заманауи кәсіби жабдықтармен жабдықталған және лицензияланған ЖИ-сервистер қосылған. Озық технологиялары бар цифрлық кеңістіктер студенттерге нейрожелілерді игеріп қана қоймай, оларды оқу барысында, зерттеу және түрлі жобаларда қолдануға мүмкіндік береді.

Зертханаларда студенттердің заманауи технологияларды тиімді қолдану дағдыларын дамытуға бағытталған арнайы ЖИ курсы бойынша қорытынды жұмыстарының тұсаукесері өтті. Бұл курс барлық білім алушылар үшін міндетті болды. Бұдан басқа, университетте ЖИ саласында жаңа білім беру бағдарламасын іске қосу жоспарлануда.

2025 жылғы 22 желтоқсан

Университет базасында «Lumières» қоры ашылды

Астанада Орталық Азиядағы тұңғыш «Lumières» корпоративтік қоры ашылды. Қазақстан мен Франция жоғары оқу орындары арасындағы ынтымақтастықты дамытуға және нығайтуға бағытталған ұйым Maqsut Narikbayev University базасында болады.

Қордың салтанатты ашылуы Францияның Қазақстандағы Елшілігімен және Франция-Қазақстан сауда-өнеркәсіп палатасымен (CCIFK) бірлесіп ұйымдастырылды. MNU Қазақстанда «Lumières» қорының қызметін бастауға арналған институционалдық алаң ретінде қажетті инфрақұрылымдық және ұйымдастырушылық қолдауды қамтамасыз етеді.

Университет жоба бастамасынан бері оның дамуына белсенді атсалысып, қорды Қазақстан мен Франция арасындағы академиялық және ғылыми ынтымақтастықты кеңейтудің маңызды элементі ретінде қарастырады.

2026 жылғы 8 мамыр